أرشيف الأوسمة: Serialization

نظرة سريعة على Serialization

شباب ::- كلمة Serialization عندنا فى البرمجة , معناها , تحويل حالة Object من صيغة إلى صيغة آخرى , أو بمعنى آخر , من Format إلى Format آخر , كمثال :- تحويل CLR Object وليكن Class Car إلى XML أو إلى JSON أو ممكن يكون إلى Text أو النوع إللى إنت تحدده .

أما كلمة Deserialization فدى معناها العكس , وبيها نقدر نحول XML أو JSON أو أى نوع , إلى CLR Object , يعنى ممكن نقوم بنحول XML إلى Class Car .

والسؤال هنا , هو إحنا ليه بنحتاج نعمل Serialization أوDeserialization ؟
والإجابة :- إننا بنعمل الكلام ده , لما بنحتاج ننقل Object من مكان لمكان عبر الشبكة , أو عبر التطبيقات , من تطبيق لآخر, أو ممكن فى نفس التطبيق الواحد , لما بنحتاج ننقل Object من الـ Server إلى Client والعكس.

مايكروسوفت قدمت للموضوع أكثر من Library بتعمل الكلام ده وهتلاقى مثال على كده :- XmlSerializer ودى بستخدمها مع XML , وكمان هتلاقى JavaScriptSerializer ودى بنستخدمها مع JavaScript (JSON) وكمان هتلاقى BinaryFormatter ودى مع Binary , وكمان هتلاقى SoapFormatter ودى مع Soap , وأخيراً هتلاقى DataContractJsonSerializer ودى برضه بنستخدمها مع JSON .

وهتلاقى أيضاً كـ Open-Source مكتبة كاملة للعمل مع JSON وإسمها JSON.net .

بالتوفيق للجميع .

Advertisements